Tимот на Тиквеш е еден од најактивните во изминатиот период, а сега потврди уште едно големо засилување за наредната сезона.

Нов фудбалер на клубот од Кавадарци ќе биде поранешниот македонски репрезентативец со големо искуство Даниел Мојсов.

Мојсов се враќа онаму каде што започна, а во претходните три сезони го носеше дресот на Брегалница каде што прикажуваше одлични настапи. Последен пат 35-годишниот дефанзивец дресот на „неговиот“ Тиквеш го носеше во 2006 година.

Во меѓувреме во кариерата настапуваше за: Ѓорче Петров, Вардар, Војводина, Бран, Лиерсе, Адана Демирспор и АЕК Ларнака.