Играчот за врска во редовите на премиерлигашкиот гигант, Месут Озил, овојпат ги освои навивачите на Арсенал, откако понуди да ја плаќа платата на отпуштената маскота од Лондон.

Во текот на вчерашниот ден фановите на оваа екипа беа разочарани од информацијата дека Џери Кај, кој 27 години го носеше костумот на славниот „Ганерсаурус”, беше меѓу 55 отпуштени лица од клупскиот персонал.

Но, еден од најискусните играчи во составот на менаџерот Артета ги презеде работите во свои раце и преку социјалните мрежи се понуди да ја исплати платата на маскотата, додека самиот Германец сè уште е фудбалер на „топџиите”.

I was so sad that Jerry Quy aka our famous & loyal mascot @Gunnersaurus and integral part of our club was being made redundant after 27 years. As such, I’m offering to reimburse @Arsenal with the full salary of our big green guy as long as I will be an Arsenal player… pic.twitter.com/IfWN38x62z

— Mesut Özil (@MesutOzil1088) October 6, 2020

– Бев многу тажен кога дознав дека Џери Кај, познат како нашата позната и лојална маскота „Ганерсаурус”, беше отпуштен откако беше 27 години интегрален дел од нашиот клуб. Затоа, предлагам да му ја надоместам на Арсенал целата плата за нашето големо зелено момче се додека јас сум играч на Арсенал – напиша Озил.

Потсетување, Озил е во клубот од „Емирати“ од 2013 година, а ова лето беше на излезните врати, но остана најверојатно поради големата плата од која не сакаше да се откаже. На 15 октомври ќе наполни 32 години, а дресот на „топчиите“ досега го носеше вкупно 92 пати, со 23 постигнати голови.