„Голема трагедија“: Светските медиуми го опишаа трагичниот настан
Најголемите светски медиуми утрово ја објавија тажната вест за запалениот македонски автобус во Бугарија. Во несреќата загинаа 46 лица, меѓу кои 12 деца.
Препорачано
Британски Би-Би-Си ги пренесе изјавите на премиерот Зоран Заев и министерот за внатрешни работи Бујар Османи, како и изјавата на бугарскиот премиер Стефан Јанев.
Се надеваме дека ќе извлечеме поуки од овој трагичен инцидент и ќе можеме да спречиме такви инциденти во иднина, им рече Јанев на новинарите од местото на несреќата.
Американската медиумска куќа Си-Ен-Ен објавија дека надлежните бугарски екипи ќе извршат дополнителни истраги за потенцијалните причини за несреќата.
Тие потврдија дека во автобусот имало 52 патници.
Германската ДПА на својот Твитер профил ја пренесе информацијата за загинатите во автобусот.
Bei einem schweren Busunglück in Bulgarien sind in der Nacht Dutzende Menschen ums Leben gekommen https://t.co/ef1Kqgxhu5 via @morgenpost (him) pic.twitter.com/O5rEVEXHQ4
— dpa (@dpa) November 23, 2021
Француската медиумска куќа АФП исто така на Твитер објави информации од настанот.
#UPDATE At least 45 people, including a dozen minors, were killed after a bus caught fire south of the Bulgarian capital early Tuesday morning, officials said. https://t.co/ZRJgFSxBef pic.twitter.com/QTIWJz3rEW
— AFP News Agency (@AFP) November 23, 2021
Ројтерс го опиша случајот како голема трагедија во која животот го загубиле и неколку деца.
Британски Гардијан пренесе изјави од бугарските медиуми.
„Сликите се застрашувачки, многу застрашувачки. Никогаш порано не сум видел такво нешто“, изјавил Бојко Борисов за бугарските медиуми, пренесува Гардијан.
Руски ТАСС само потврди за настанот, велејќи дека автобусот со туристи се запалил околу 3 часот наутро.
АП ги пренесува информациите и изјавите од бугарските медиуми, цитирајќи ги Борисов и Јанев.
Британски Скај пишува дека ова е „огромна трагедија“ и испрати сочуство до семејствата на загинатите.
Германски Билд ја објави локацијата на настанот, цитирајќи ја бугарската новинарска агенција.
Блумберг и на својот Твитер профил ја објави тажната вест, повикувајќи се на АП.
A bus crash in western Bulgaria kills at least 45 people, AP reports https://t.co/nbNKXVVEGT
— Bloomberg (@business) November 23, 2021
Австриски Кронен Зејтунг ја потврди веста за починатите 46 лица во големата несреќа.
