Екипата на женскиот ракометен клуб Чаир го елиминираше португалскиот претставник Колегио де Гаја и со две победи се пласираше помеѓу најдобрите 16 во ЕХФ, Европскиот куп.

Двата натпревари е одиграа во Скопје, а ракометарките на Чаир славеа победа со вкупно шест гола разлика. Првиот дуел вчера го добија со 29:25, а денешниот со 28:26 со што го постигнаа најголемиот успех во клупската историја.

Во реваншот денеска во ниту еден момент пласманот на Чаир во следната фаза не беше доведен во прашање и констатно ракометарките на македонскиот претставник беа во водство.

Најефикасна беше Стефанија Ѓорѓиевска со десет постигнати гола, а зад неа следеше Теодора Дукоска со седум.