Актерот Џастин Балдони и неговиот адвокатски тим ја повлекоа судската покана поднесена против Тејлор Свифт, во рамките на неговата правна битка со Блејк Лајвли. Тие ја прекинаа истрагата откако ги добија посакуваните детали, како што објави „Дедлајн“ (Deadline). Понатамошни информации не се познати.

Извор близок до случајот криптично изјави за „Пејџ Сикс“ дека ако информациите се објавени доброволно, нема потреба од судска покана. Претставникот на Блејк Лајвли го објави најновиот пресврт во случајот.

„Задоволни сме што Џастин Балдони и страните од „Вејферер Студиос“ ги повлекоа своите досадни судски покани против Тејлор Свифт и нејзината адвокатска канцеларија. Ги поддржавме напорите на тимот на Тејлор да ги поништи овие несоодветни судски покани против нејзиниот адвокат и ќе продолжиме да се залагаме за секое трето лице кое било неправедно вознемирувано или загрозено во процесот“, рече претставникот.

Претставникот продолжи да ги критикува Балдони и неговата компанија „Вејфарер Студиос“, како и неговите адвокати, за тоа што ја ставиле Свифт, „жена која била инспирација за десетици милиони луѓе низ целиот свет“, во центарот на скандалот. „Соочени со тоа што мораа да се оправдаат на суд, тие се откажаа“, рече тој.

Адвокатите на Балдони првично ја повикаа Свифт на суд бидејќи веруваа дека таа играла улога во обидот на Лајвли да ја преземе контролата врз „It Ends With Us“. Адвокатот Брајан Фридман , кој го застапува Џастин, првпат ја спомена пејачката во тужбата на актерот за клевета и изнуда од 400 милиони долари. Тој истакна дека Тејлор била присутна за време на клучен состанок за препишување на сценариото за филмот. Тој исто така тврдеше дека Лајвли го искористила пријателството со глобалната ѕвезда за моќ.