Овен

Астролозите ве советуваат да избегнувате ризици и да играте на сигурно. Успешно ќе избегнете потешкотии доколку се посветите на добро воспоставените работни задачи и ако не експериментирате со непознатото и неизвесното. Ќе се фатите себеси како мечтаете за личност која ви испратила интересна е-пошта или текстуална порака, и покрај тоа што не ви се допаѓа како изгледа физички. Може да ви се случи и да „попуштите“ на нечие упорно додворување и, на ваше изненадување, да се заљубите.

Бик

Овој период ќе ви е погоден за завршување на моменталната работа и планирање на претстојните проекти. Активностите поврзани со учење, образование, патување и контакти со соработници од странски земји ќе ви бидат особено успешни. Биковите ќе бидат расеани и недоволно сконцентирани на емотивните настани. Се чини дека додворувачите кои ве нервираат ќе се држат до вас, а личностите за кои се грижите ќе бидат на дистанца, а можеби дури и ќе ви се налутат поради некои ваши гревови од минатото.

Близнаци

Вашите амбиција и продуктивност ќе бидат несомнени. Ќе вложите многу време и енергија во остварување на деловните цели. Во сѐ што ќе преземете, ќе ја имате на ум крајната цел и ќе бидете успешни. Слободните Близнаци ќе копнеат по страсни прегратки. Незаинтересираноста од другата страна нема да ви биде доволна причина да се откажете. Самоуверени и полни со надеж, ќе се најдете таму каде што е вашата симпатија, која конечно ќе ви даде шанса.

Рак

Финансиската ситуација на Раковите би можела да излезе надвор од контрола. Ќе се чувствувате разочарани и тажни поради нередовните плаќања, зголемените трошоци или работата за која сѐ уште не сте добиле хонорар. Од следната недела ќе решите сѐ. Подгответе се за фактот дека многу луѓе ќе се мешаат во вашиот брак и во начинот на кој го водите вашето домаќинство, на пример родителите на партнерот. Издржете ја оваа недела, од следната ќе влезете во подобар период.

Лав

Лавовите полека ќе ја губат работната енергија, па ќе им треба двојно повеќе време и концентрација за работата што вообичаено ја вршат со „левата рака“. Ќе ви пречат критиките кои ќе ви ги упатуваат вашите соработници. Со партнерот нема да поминувате толку време колку што би сакале. Вашите разговори ќе се вртат околу тековните активности и деловни планови. Таквата состојба ќе биде привремена.

Девица

Позитивните планетарни влијанија ќе ја поттикнат вашата креативност, па уметниците ќе бидат полни со инспирација, а некои можеби ќе добијат и признание за својата работа. Ќе имате заладени односи со некои колеги – смирете се што побрзо! Ќе добиете можност да ги решите ситуациите кои ве мачеле и ќе сфатите дека разликите меѓу вас и партнерот можат да бидат фактор на поврзаност, а не на разделување.

Вага

Ви претстои одреден неуспех во бизнисот, пред вас ќе има зголемени напори и пречки. Можни се деловни промени кои ќе ве вознемират со својата неизвесност, но истовремено ќе ве натераат да реагирате и да се борите за вашите права. Нечија прекрасна насмевка и романтична изјава ќе ви разбудат копнеж, па на осаменоста на Вагата ќе ѝ дојде крајот. Иако само иднината ќе покаже дали се работи за личност која ќе заземе значајно место во вашето срце, предадете ѝ се на магијата на моментот.

Скорпија

Оваа недела ќе бидете многу снаодливи на работното место. Од секоја дискусија ќе излезете како победници, а секоја работна задача ќе ја завршите со совршена прецизност. Ќе ве очекуваат нови и интересни проекти на кои сѐ уште не сте работеле. Најголемиот „камен на сопнување“ ќе бидат заладените семејни односи и навистина ќе треба да работите на тоа. Понекогаш причината за кавгата ќе биде мешањето на вашите или родителите на партнерот во вашиот брак, па оградете се од нивното влијание.

Стрелец

Претпоставените ќе ја ценат вашата посветеност на работата, точноста во испораката и извонредната трудољубивост. Тие повеќе ќе се потпираат на вашите идеи и совети, кои треба да ги искористите за да го зацврстите вашиот статус. Убавата позиција на Венера ќе му помогне на Стрелецот да оствари сериозна врска. Неделава ќе запознаете многу интересна личност, која ќе ве освои со својата харизма и впечатлива појава. Вие ќе бидете фасцинирани од нивната таинствена страна и ќе дадете сѐ од себе да ја запознаете подобро.

Јарец

Желбата да ги средите финансиите ќе ве поттикне да се занимавате со дополнителна работа. Ќе преземете поодговорни обврски, често ќе останувате во канцеларија до подоцна, а ќе бидете исцрпени од хонорарните задачи. Доколку запознате нова личност, ќе се воодушевите од сличноста на вашите мисли. Љубовта кон истите нешта ќе роди одлична поврзаност. Јарците во брак ќе оживеат убави спомени од минатото и повторно ќе ги разбудат чувствата.

Водолија

Ќе ви биде тешко да ги завршите работните задачи, а менталниот замор ќе ве предупреди дека на вашето тело му е потребен одмор. Најмногу ќе ве разочара однесувањето на колегите на кои безрезервно сте им верувале. Слободните Водолии ќе имаат одлична прилика да се заљубат. Личноста која ја посакувате ќе се чувствува исто како и вие. Ќе размислуваат за вас, ќе сакаат да ви се јавуваат на секој половина час и со нетрпение ќе ја очекуваат вашата следна средба. Совршено, зар не?

Риби

Рибите ќе се чувствуваат удобно во работната средина, а одличната соработка со колегите ќе ви ги олесни одлуките. Поради позицијата на Марс, пазете се од непромисленост и преентузијастички пристап кон проблемите. Ќе имате тенденција да ги потиснувате чувствата и да избегнувате проблеми. Ќе ви биде тешко да се одлучите за нова врска, а постоечката ќе биде ставена на тест.