По објавената реакција на Весна Левајковиќ-Трајков, ветеринар, поранешна вработена во ЗОО Скопје на работно место раководител, за интервјуто со наслов: ВИДЕОИНТЕРВЈУ/ Гогоска: ЗОО Скопје – наталожена бара која на крајот пукна, во нашата реакција пристигна одговор на реакција од м-р Татјана Гогоска, поранешна ангажирана во Зоолошката.

Реакција од Весна Левајковиќ-Трајков: Изјавени невистинити тврдења за ЗОО Скопје и факти штетни за мојот углед

Во продолжение интегрално ви го пренесуваме одговорот на реакцијата:

По емитувањето наинтервјуто со наслов: ВИДЕОИНТЕРВЈУ/ Гогоска: ЗОО Скопје – наталожена бара која на крајот пукна, ден 28.10.2024 година на веб порталот : slobodenpecat.mk  во која гостував, со единствна цел да ја кажеме целта вистина за состојбите во ЗОО Скопје во последниве безмалку две години, во интерес исклучиво  на подобрување на очајната состојба во која се наоѓа Зоолошката, а сè со цел  подобар живот и благосостојба на животните, заради кои и постои  истата, на 1 ноември „Слободен печат“ објави реакција на поранешната ветеринарка, која ме обвинува за: „напад на нејзиното достонство, професионален интегритет и знаење, и искажани лаги за нејзиното работење, кои се штетни за нејзината чест и углед“.

Најодговорно тврдам и ја информирам јавноста, дека ниту сум имала потреба, ниту интерес да ѝ наштетам на ветеринарката и потенцирам дека во интервјуто ги спомнав редоследно настаните, на кои таа беше дел (мај и јуни 2023) но се чисти факти и информации од јавен карактер, кои се веќе објавени на јавноста во тој период. Токму водејќи се од професионалната и човечка етика никаде не ја споменав, ниту ја осудив, ниту навредив и не кажав нешто плус од она што веќе е познато во јавноста, во врска со наведените настани.

Затоа, јас не сум можела да ѝ го рушам нејзиниот углед и ги отфрлам обвинувањата дека сум кажувала лаги. Напротив, сè во интервјуто е 100% вистина.

Во 40-годишното работно искуство во новинарството, медиумите, културата и други области како јавна личност сум зборувала најчесто за оние кои не можат сами да зборуваат за себе, а имаат потреба, а тоа се децата и сега зборував за животните во ЗОО, за да ја кажам вистината, да понудам решение, со единствена цел, потенцирам, благосостојба и подобар живот за животните во ЗОО Скопје.
Затоа, ги отфрлам сите напади и обвинувања кон мене од страна на поранешната ветеринарна во ЗОО Скопје.

ВИДЕОИНТЕРВЈУ | Гогоска: ЗОО Скопје – наталожена бара која на крајот пукна