Американската тенисерка Коко Гоф се квалификуваше за осминафиналето на Ролан Гарос во Париз откако денеска ја победи 47 тенисерка во светот Марија Бузкова од Чешка по два сета, 6:1, 7:6.

Втората тенисерка во светот дојде до триумфот по еден час и 45 минути игра. Коф двапати направи брејк на сервисот на противничката во првиот сет и поведе во мечот.

Во вториот сет, тенисерките направија по четири брејка и се играше тај-брејк, кој Гоф го доби со 7:3, по втората меч-топка.

Следна противничка на Гоф ќе биде Екатерина Александрова, која беше подобра од Вероника Кудерметова со 6:2, 6:2.

Американката Хејли Баптист е исто така во осминафиналето, откако славеше против Џесика Боусас Манејро од Шпанија со 7:6, 6:1.

Баптист ќе игра против Софија Кенин која беше подобра во американскиот дуел со Медисон Кис со 4:6, 6:3, 7:5.

Андреева со 6:3 и 6:1 оствари победа над Путинцева од Казахстан, а во следната фаза е и Австралијката Касаткина која со 6:1 и 7:5 ја совлада Бадоса од Шпанија.

Победа запиша и Американката Пегула која по пресврт со 3:6, 6:4 и 6:2 беше поуспешна од Вондроушова од Чешка, а во францускиот дуел со 6:3, 0:6 и 7:5 Боасон триумфираше над Жакемо.