Македонскиот пливач Никола Ѓуретановиќ квалификациите на Летните олимписки игри во Париз на 400 метри слободно ги заврши под својот рекорд.

Ѓуретановиќ беше првиот македонски спортист кој настапи на ЛОИ во Париз. 16-годишниот Никола настапи во квалификации на 400 метри слободно.

Тој заврши последен во својата група. Трката од 400 метри слободно ја исплива со резултат 4:05.38, што е под неговиот рекорд, а тоа е 4:02.61 мин.

– Пред самата трка имав малку трема, моите години го направија своето, бев многу возбуден. Но сепак ова е едно големо искуство за мене, секако дека ќе се прикажам во најдобро светло на следните големи натпреварувања – изјави младиот Ѓуретановиќ за сајтот на МОК.

За македонските олимпијци, следниот настап е веќе утре (недела). Анастасија Мојсовска која во стрелаштво ќе настапи во дисциплината воздушна пушка од 10 метри.