Александар Саша Ѓорѓевиќ ги повика надлежните органи во Евролигата и клубовите да го одложат следниот натпревар помеѓу Партизан и Реал Мадрид – А причината е масакрот во основното училиште „Владислав Рибникар“ во Белград.

– Шок, неверување поради масакрот во белградското училиште. Сочувство до семејствата на жртвите. Секоја чест за нив. Господ да ги благослови нивните души. Моја Србија, мој Белград, мој Партизан и Реал Мадрид, реагирајте на прав човечки начин и одложете го натпреварот – кому му е до песни, радост и навивање по ваква трагедија? – напиша Ѓорѓевиќ на Твитер.

Во четвртфиналето од плејофот во Евролигата Партизан води со 2:1 против Реал Мадрид.

Четвртиот меч според најавите е закажан за утре во Белград со почеток од 20.30 часот.

Sok,neverica usled masakra u beogradskoj skoli-saucesce porodicama stradalih.Slava im-Bog dusu da im prosti??Moja Srbijo,moj Beograde ,moji Partizane i Real Madrid-u reagujte na pravi ljudski nacin i odlozite utakmicu-kome je do pesme,radosti i navijanja posle ovakve tragedije?

— Aleksandar Djordjevic (@CoachDjordjevic) May 3, 2023