Најдобрата македонска тенисерка Лина Ѓорческа обезбеди пласман во полуфиналето на турнирот во Марибор, Словенија.

Во сингл конкуренцијата Ѓорческа денеска со 2:0 во сетови 7:6 и 6.3 триумфираше против Мариан Болквадзе од Грузија за два часа и осум минути игра.

Во првиот сет иако Болквадзе имаше предност од 5:3 во гемови и беше поблиску до водство во сетови, Ѓорческа успеа да се врати и во тајбрејкот биде подобра со 7:5.

Поведе Грузијката во вториот сет, но Ѓорческа запиша четири гема во низа и рутински само ја одржуваше позитивата.

Противничка на нашата натпреварувачка во полуфилната фаза ќе биде победничката од дуелот помеѓу втората носителка на турнирот Антониа Ружиќ од Хрватска и Каја Јуван од Словенија.