Денеска во 1/16 финалето на В75 турнирот во Марибор, Словенија, најдобрата македонска тенисерка Лина Ѓорческа славеше против Петра Марчинко од Хрватска.

Нашата тенисерка за еден час и 40 минути игра со 2:0 во сетови 6:4 и 6:4 триумфираше против Марчинко.

Во текот на првиот сет Ѓорческа поведе со 3:0 во гемови, па следуваа низа освоени гемови на Хрватката за израмнување. Следните два гема ги доби Ѓорческа, намали Марчинко, а Македонката се погрижи за водство од 1:0 во сетови откако беше сигурна на својот сервис.

Ѓорческа направи брејк на стартот од вториот сет, па следуваше неизвесен гем на сервисот на нашата тенисерка која успеа да дојде до 2:0 во гемови што беше клучно да ја одржува ваквата позитива и на крајот се радува и биде подобра и во вториот сет за пласман во осминафиналето.

Следна противничка на македонската тенисерка во осминафиналето ќе биде четвртата носителка на турнирот Жесика Понше од Франција која со 6:2 и 7:6 ја елиминираше Габриела Кнутсон од Чешка.