Најдобриот српски тенисер Новак Ѓоковиќ им ја дава поддршката на кошаркарите на Србија пред финалето на Светското првенство против Германија.

Потсетување дека финалето на Мундобаскет 2023 помеѓу Германија и Србија ќе се игра в недела од 14.40 часот по македонско време.

Во меѓувреме Ѓоковиќ успеа да се пласира во финалето на тенискиот грен слем „УС Опен“ и в недела од 22.00 часот по македонско време против Русинот Данил Медведев ќе атакува на рекордната 24 грен слем титула во кариерата.

– Феноменален резултат, многу сум горд на нив, навивам со цело срце како и целото мое семејство. Целата нација стои зад нив. Малку да го тргнам притисокот од нив, што и да направат, веќе постигнаа огромен успех во моите очи. Знам какви победници се тие, пред сè нашиот капитен Богдановиќ и знам дека ќе одат по златото и им го посакувам тоа. Во недела нека биде „два од два“ за Србија“ – вели Ѓоковиќ.

Тоа ќе биде прво финале за Србија по 2014 година кога загуби од САД на светскиот шампионат одржан во Шпанија.

Последен пат Ѓоковиќ и Медведев се сретнаа во финалето на „УС Опен“ во 2021 година кога рускиот тенисер беше подобар со 3:0 во сетови (6:4, 6:4, 6:4).

– Ја научив лекцијата од 2021 година, го посакував календарскиот Грен слем, и дозволив моите емоции да го извлечат најдоброто од мене тој ден и не се чувствував себеси на теренот. Ќе се обидам да го корегирам тоа и овој пат биде поразлично. Статистички, финалните мечеви на „УС Опен“ не ми беа толку добри и убедливи како останатите Грен слем финалиња. Ќе се обидам малку да го исправам тоа во недела – се зборовите на Ѓоковиќ.