Српскиот тенисер Новак Ѓоковиќ се пласираше во финалето на турнирот во Женева, откако по три сета го победи Британецот Камерон Нори со 6:4, 6:7 (8), 6:1.

Ѓоковиќ, петтиот тенисер на светот, го победи 90-от играч на АТП-листата по два часа и 16 минути.

Ѓоковиќ стигна до предност со брејк во седмиот гем од првиот сет.

Во четвртиот гем од вториот сет, Британецот му го одзеде сервисот на Ѓоковиќ, но српскиот тенисер направи брејк во деветтиот гем и победникот беше решен во тај-брејк, во кој Нори победи со 8:6 по голема борба.

Во решавачкиот сет, Србинот беше убедлив и направи брејк во вториот и шестиот гем за победа и пласман во финалето.

Во финалето, Ѓоковиќ ќе игра против Хуберт Хуркач, од Полска, 31. тенисер во светот.

Ѓоковиќ ќе се обиде да ја освои својата јубилејна 100-та титула во кариерата во финалето, кое е закажано за недела.