Најдобриот српски тенисер Новак Ѓоковиќ не успеа да се пласира во полуфиналето на АТП турнирот во Бризбејн, Австралија, откако денеска во четвртфиналето беше поразен од Американецот Рајли Опелка со резултат 7:6 (8:6), 6:3 за еден час и 39 минути.

Во првиот сет се играше гем по гем, Опелка имаше три брејк топки во деветтиот гем, но Ѓоковиќ го спаси неговиот сервис. Опелка го доби првиот сет по тај-брејк во кој го доби со 8:6.

Ѓоковиќ пропушти брејк топка во третиот гем од вториот сет, а потоа Опелка направи брејк во следниот гем и поведе со 3:1. Американскиот тенисер ја задржа предноста до крајот на мечот и победи.

Во полуфиналето на турнирот во Бризбејн, Опелка ќе игра против Џовани Мпетши Перикар, кој претходно денеска беше подобар од Јакуб Меншик со 7:5, 7:6 (7:5).

Во второто полуфинале ќе се сретнат Јиржи Лехечка и Григор Димитров. АТП турнирот во Бризбејн се игра за награден фонд од 766.290 долари.