Ѓоковиќ покажа дека може да победи на Австралија опен дури и со повреда, вели Мекинро
Некогашниот голем ас а денеска коментатор Џин Мекинро смета дека Ѓоковиќ знае како да се справува со најнезгодните повреди и да победува
Новак Ѓоковиќ можеби нема 100 отсто фит да настапи на Австралија опен во 2024 година, но Џон Мекинро не го отпишува поради тоа.
Препорачано
Новак Ѓоковиќ направил извонредни работи во својата кариера, а една од најимпресивните е она што го направи минатата година на Австралија опен.
Тој, се разбира, го освои трофејот, но очигледно, тоа го направи со скинат мускул на ногата, што би ги направило повеќето тенисери неспособни да играат, а камоли да победат.
Познато е дека Ѓоковиќ се соочи со повреда на ногата, а неговата игра на почетокот на Австралија опен 2023 го потврди тоа. Тврдењето што директорот на Австралија опен Крег Тајли го даде по турнирот само го докажа тоа.
Не е невозможно да се замисли дека Ѓоковиќ може да направи работи што другите играчи не можат.
Прашањето пред годинашниот турнир е: Дали Ноле може да го направи тоа имајќи проблем со зглобот на раката?
Џон Мекинро изјави за ЕСПН дека може.
– Не знаеме дали Новак е 100 отсто фит. Тој беше повреден лани, но го освои турнирот, така што да речеме дека знае како да се справи, па ќе видиме. Очигледно, тој го освои АО 10 пати. Кој би помислил дека тоа може да се случи? – вели Мекинро за познатиот медиум.
Во кариерата на Ѓоковиќ се случија многу работи за кои многумина мислеа дека не се возможни. Тој се справувал со повреди на зглобот во минатото и ги надминал, но ова дојде во прилично лош момент.
Таа повреда му пречеше на Јунајтед купот, па колкава е шансата повторно да му пречи? Тој на АО ќе игра натпревари со поголем интензитет и во подолг формат. Ќе треба само да почекаме и да видиме, бидејќи првиот грен-слем сезонава треба да започне на 14 јануари.
