Токму кога ќе помислиме дека „ја надминал играта“, Новак Ѓоковиќ се појавува со нови тениски достигнувања.

Можеби не е првиот фаворит за освојување на Ролан Гарос годинава, откако го освои три пати во кариерата, но сепак српскиот тенисер и натаму има шанса за апсолутен рекорд – 25-та грен слем титула.

Неодамна ја освои својата 100 АТП титула, а против Камерон Нори ја постигна својата 100 победа на париската земјена подлога.

Како што самиот рече, неговиот нов омилен број е „100“, па зошто не би станал најдобар досега во друг сегмент?

Имено, Ѓоковиќ е единствениот во историјата што има 90+ победи на сите четири грен слем турнири.

За да ја достигне магичната бројка на Австралија Опен, тој е само на една победа, на Вимблдон три, додека на САД Опен му недостасуваат 10.

Второто е малку веројатно, но Србинот дефинитивно има нов мотив што ќе го турне кон тениска долговечност.