Новак Ѓоковиќ успеа да се пласира во четвртфиналето на грен слем турнирот Ролан Гарос откако без многу проблеми го победи Камерон Нори. Српскиот тенисер славеше со 3:0 во сетови 6:2, 6:3 и 6:2 по два часа и 15 минути игра. Во шестиот меѓусебен дуел со Британецот, Ѓоковиќ оствари победа, вкупно 100-та на овој турнир.

Најдобриот тенисер на сите времиња имаше проблеми со сервисот во првиот сет, но неговото враќање функционираше беспрекорно, три пати го проби сервисот на противникот и го доби првиот сет.

Во вториот сет, Ѓоковиќ имаше проблеми, Нори водеше со 2:0 во гемови, но Србинот успеа да се врати и да ги искористи своите можности до крајот на сетот.

Нори не беше во можност да му парира, па веќе беше јасно дека Ѓоковиќ оди кон нов триумф и пласман во четвртфиналето.

Сè беше јасно на почетокот од третиот сет кога српскиот тенисер успеа да поведе со 4:1 со два брејка, а веднаш беше и 5:1, неколку атрактивни поени за сигурно место меѓу најдобрите осум.

Противник на Ѓоковиќ во четвртфиналната фаза ќе биде Александер Зверев од Германија кој при негово водство од 6:4 и 3:0, мечот го предаде Холанѓанецот Талон Грикспор.

Познати се уште два четвртфинални парови: Лоренцо Мусети – Френсис Тиафо и Томи Пол – Карлос Алкараз.

Последната четвртфинална двојка ќе ја дознаеме по одигрувањето на мечевите: А. Бублик – Џ. Дрејпер и Ј. Синер – А. Рубљов.