Битката за Златната копачка во сезоната 2024/25 никогаш не била понеизвесна – името на победникот ќе биде познато дури по последните кола во најсилните европски лиги.

Моментно на врвот на листата е шведскиот фудбалер Виктор Ѓекереш од Спортинг Лисабон, кој има 57 бодови. Килијан Мбапе, најдобриот стрелец во Ла Лига, и Мохамед Салах, најдобриот стрелец во Премиер лигата, заостануваат само еден бод.

Ѓекереш има уште еден натпревар во португалското првенство до крајот на сезоната – Спортинг ќе го пречека Гимараеш дома и ќе брка победа што би им ја донела шампионската титула.

Од друга страна, Салах има уште два мечеви со Ливерпул, гостување против Брајтон и домашен натпревар против Кристал палас. Истото важи и за Мбапе, кој ќе одигра уште два натпревари со Реал а гости против Севиља, а потоа дома против Реал Сосиедад.

Интересно е што Ѓекереш е на врвот на табелата иако головите постигнати во португалската лига се вреднуваат помалку – со коефициент од 1,5, за разлика од лигите од „големите пет“ каде што еден гол носи два бода.

Последниот фудбалер што ја освои Златната копачка без да доаѓа од една од петте најдобри европски лиги беше Бразилецот Марио Жардел. Во 2002 година, тој постигна 42 гола за Спортинг Лисабон и ја освои престижната награда. Ѓекереш моментално има 38 погодоци. Дали историјата ќе се повтори?