Синот на славниот Михаел Шумахер и германскиот Формула 1 возач Мик Шумахер ги поттикна гласините за раскинувањето со Лаила Хасановиќ. Имено, 26-годишниот Мик ги избриша сите заеднички објави од својот Инстаграм профил.

Дополнително, сомнежот се појави откако корисник на Инстаграм објави видео на кое се гледа дека профилот на Мик на апликацијата за запознавање, каде што беа споделени неколку негови фотографии, повторно е активен.

„Профилот на Мик беше активен на апликацијата „Раја“ (Raya) во последните неколку дена. Благодарност до нашиот следбеник кој љубезно ни го испрати видеото“, пишува во објавата.

 

View this post on Instagram

 

A post shared by F1 | Gossip | Drivers | Races (@f1gossippofficial)

Инаку, Мик и Лајла ја започнаа врската во 2023 година, а познато е дека се запознале во 2022 година. Германските медиуми минатата година објавија дека Лајла е една од ретките луѓе надвор од познатото семејство на која ѝ е дозволено да го посети татко му Михаел Шумахер.

Лајла е родена во Данска и е по потекло од Сребреница. Тогаш тие изјавија и дека членовите на семејството Шумахер се фасцинирани од манекенката, која секојдневно се занимава со семејни активности и често се дружи со мајката на Мик, Корина.

За потсетување, Лајла ја започна својата манекенска кариера на 16 години, кога преку Инстаграм направи кампања за брендот на часовници Даниел Велингтон. Покрај тоа, Лајла исто така беше финалистка на натпреварот за Мис Универзум во 2019 година.