Македонскиот кошаркарски клуб ТФТ вечерва во четвртфиналето на квалификацискиот турнир за ФИБА Лигата на шампионите во Скопје во СЦ „Борис Трајковски“ загуби од Кемниц со 77:96 (14:24, 14:22, 25:22, 24:28).

Прв стрелец во редовите на ТФТ беше Лаклан Андерсон со 27 поени, а по 11 имаа Страхил Николов и Трент Батрик.

На спротивната страна за германската екипа доминираше Марко Филиповити со 26 поени.

Во полуфиналето Кемниц в петок (23 септември) ќе игра против Олимпик Фрибург од Швајцарија.

А во втората полуфинална средба турскиот Тофаш ќе ги одмери силите против романскиот Волунтари кој го елиинираше британскиот Лестер рајдерс со 70:61. Финалето ќе се игра в недела на 25 септември со почеток од 20.00 часот.

Потсетување дека во стручниот штаб на германскиот клуб Кемниц како асистент тренер е поранешниот стратег на МЗТ Скопје Аеродром, Ѓорѓи Кочов.