Германски здравствени групи, наставниците и полицијата се против легализацијата на канабисот

Фото: Пекселс/ michael-fischer

Неколку германски здруженија за здравствена заштита, како и полицијата и наставниот кадар, во писмо објавено денеска повикуваат да се запре планираната легализација на канабисот, јави ДПА.

Во писмото до Долниот дом на германскиот парламент, Бундестагот, се вели: „Ве молиме, не гласајте за овој нацрт-закон“.

Групите тврдат дека легализацијата ќе постави тек на сериозни социјални последици, особено за развојот и животните перспективи на младите луѓе, наведува германската агенција.

Инициран од Германското лекарско здружение (ГМА), апелот го потпишаа и медицинските и научните здруженија, Германското здружение на наставници и полицискиот синдикат.

Претседателот на ГМА, Клаус Рајнхард рече дека „легализацијата на канабисот води до поголема потрошувачка и ги тривијализира поврзаните ризици“.

-Канабисот може да предизвика зависност и да предизвика сериозна развојна штета. На оваа земја не и треба легализација на канабисот, рече тој.

Наместо тоа, продолжи тој, „потребна е политика за дроги која решително се фокусира на повеќе услуги за превенција и поддршка, особено за младите луѓе’.

Германското здружение на судии (ДРБ) критикуваше дека законот ќе предвиди плејада барања и нови одредби за казни.

Германската коалициска влада неодамна ги договори деталите од нацрт-законот кој има за цел да стапи на сила на пролет.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ