Коронавирусот, кој се прошири низ светот пред пет години и го блокираше животот во многу земји, потекнува од лабораторија во Вухан, Кина, според германската разузнавачка служба (БНД), како што објавија германските и швајцарските медиуми во средата,пренесеоа дел од медиумите во светот.

„БНД поседува јасни докази дека вирусот Сарс-КоВ-2 потекнува од Институтот за вирологија во Вухан“, објавија медиумите.

Според овие наводи, германската разузнавачка служба уште во 2020 година имала докази дека коронавирусот се проширил низ градот, а подоцна и низ светот поради „лабораториска несреќа“.

Овој заклучок е донесен по анализата на податоците кои дошле до германските власти како дел од разузнавачката операција со кодно име „Саремаа“.

Проценката на шпионската агенција беше заснована на неодредена разузнавачка операција со кодно име „Saaremaa“, како и на јавно достапни податоци. Тоа беше нарачано од канцеларијата на тогашната германска канцеларка, Ангела Меркел, но никогаш не беше објавено, се вели во извештајот.

БНД одби да коментира. Кога беше прашан за извештајот на прес-конференција, канцеларот во заминување Олаф Шолц, исто така, одби да коментира во средата.

Весниците објавија дека проценката, сепак, била споделена со Централната разузнавачка агенција на САД во есента 2024 година.

Портпаролот на ЦИА во јануари изјави дека ЦИА проценила дека пандемијата COVID-19 е поверојатно да произлезе од лабораторија отколку од природата.