Германската полциија започна истрага против банда која наводно планирала киднапирање на министерот за здравство Карл Лаутербах, пишува весникот Шпигел. Според весникот, киднапирањето на Лаутербах било планирано во група на социјалните мрежи. По истрагата против петмина мажи, федералното обвинителство сега го уапси нивниот наводен лидер.

„Во врска со планираното киднапирање на министерот за здравство, полицијата уапси осомничен лидер на група граѓани“ се вели во соопштението на федералниот обвинител.

Според информациите на „Шпигел“, осомничена е 75-годишната Елизабет Р. од Централна Саксонија. Истражителите и припишуваат идеолошка лидерска улога во групата. Како што дознава Шпигел од истражителите, се вели дека жената го предводела административниот дел на движењето. Според членовите на групата, киднапирањето на Лаутербах било „увертира за државен удар“.

Според обвинителството, групата си поставила за цел да предизвика услови слични на граѓанската војна во Германија и со тоа на крајот да доведе до пад на сојузната влада и парламентарната демократија.

„Планот беше да се донесе национално „затемнување“ со оштетување или уништување на објектите за снабдување со електрична енергија“, се вели во извештајот.

Се вели дека убиството на телохранителите било земено во предвид во планираното киднапирање на Лаутербах.

Според информациите на „Шпигел“, обвинетата Елизабет Р., која сега е уапсена, објавила неколку контроверзни објави на социјалните мрежи. Објавите содржат, меѓу другото, антисемитски пасуси и типични приказни за заговор на граѓанската идеологија на Рајхот.