Селекциите на Германија и на Литванија го одиграа највозбудливиот натпревар на Европското кошаркарко првенство, а победникот беше одлучен по две продолженија. На крајот, во „Ланксес“ арената се радуваа Германците кои славеа со 109:107.

По оваа победа, Германија е прва во групата со максимални три победи, додека Литванците иако беа едни од главните фаворити за титулата, доживеаја три порази.

Германија можеше да победи во регуларниот дел од натпреварот, на 50-тина секунди до крајот имаше пет поени предност. Потоа Вачанчиунас погоди едно слободно фрлање, а по второто неговите соиграчи ја освоија топката по што центарот погоди за минус два, 89:87.

Нападот за победа го имаше Денис Шрудер, но беше непрецизен, по што Валанчиунас го однесе натпреварот во продолжение. Во него, Григонис и донесе водство на Литванија од 89:91, а потоа и за 91:94.

Сепак, Германците возрадија преку Вагнер и Тиман, а Шрудер во последните секунди погоди за два поени и со прецизно изведеното слободно фрлање за 96:96 го однесе натпреварот во второ продолжение.

Во него, Германија предводена од Шрудер направи серија од 5:0, Литванците возвратија преку Вачанчиунас, но Маодо Ло со тројката на 109:104 ги приближи „панцирите“ до победата. Во финишот, Литванија имаше шут за победа во последната секунда, но Григонис не беше прецизен.

Вагнер со 32 поени и 8 скока и Шрудер со 25 поени беа најдобри кај Германија, додека на спротивната страна, Јонас Валанчиунас имаше дабл-дабл од 34 поени и 14 скокови.

Кошаркарите на Црна Гора со 91:81 ја совладаа Бугарија и ги задржаа шансите за пласман во следната рунда. Следен противник на Црногорците ќе им биде Шпанија.

Најефикасни во победничката селекција беа Владимир Михајловиќ со 23, Игор Дробњак и Бојан Дубљевиќ со 17 и Немања Радовиќ со 16 поени, додека Александар Везенков со 26 поени беше прво име кај Бугарија.