Германец и Холанѓанец кои планинареле на Шар Планина, исчезнале вчера попладне, а по нив и натаму трагаат полицијата, Центарот за управување со кризи и доброволци од планинарските клубови.

Според МВР, се знае дека тие се движеле во близина на граничната линија меѓу Македонија и Косово.

„На 21.05.2025 во 19:31 часот во Секторот за меѓународна полициска соработка, од Интерпол Германија е пријавено дека на граничната линија помеѓу Република Северна Македонија и Република Косово се изгубиле две лица – државјани на Сојузна Република Германија и Кралство Холандија, кои планинареле во близина на граничната линија. Известени се СВР Тетово, Центар за управување со кризи и Регионалниот центар за гранични работи Север. Се преземаат мерки за пронаоѓање на лицата“, пишува во полициското соопштение.