Германската машка ракометна репрезентација овој период се соочува со неколку големи заминувања на играчи кои не сакаат да патуваат на Светското првенство во Египет кое ќе се одржи од 13-31 јануари 2021 година, од страв поради коронавирусот.

Откако Патрик Винчек од Кил му откажа на селекторот минатата недела, истото го сторија и неговите репрезентативни колеги Штефан Вајнхолд и Хендрик Пекелер, како и Фин Лемке (МТ Мелсунген).

– Спортски гледано, новите откази на Фин Лемке, Штефан Вајнхолд и Хендрик Пекелер очигледно загрижуваат. Сите тие директно ми ги објаснија своите причини и јас ги разбирам – рече селекторот на Германија, Алфред Гисласон кој остана без речиси целосна одбрана.

На Мундијалот Германците се во групата „А“ со Унгарија, Уругвај и Зелено`ртските острови.

Потсетување дека Македонија е прва резерва доколку некоја од учесниците на СП го откаже учеството.

Македонија официјално е прва резерва на ракометното СП во Египет