Долгите доцнења во издавањето пасоши со почетокот на сезоната на годишни одмори предизвикуваат фрустрации, соопшти денеска здружение кое ги претставува германските градови, јави ДПА.

-Има турканици и немири во одделите за пасоши и лични документи. Во моментов се потребни до осум недели за да се испорачаат пасошите, додека вообичаено тоа трае само две или три седмици – изјави денеска шефот на здружението Хелмут Деди.

Како одговор на барање на ДПА, германското Министерство за внатрешни работи соопшти дека има проблеми во официјалните печатачи и дека има нагло зголемување на бројот на барања за пасоши од почетокот на годинава.

-Првпат многу повеќе од 600.000 пасоши беа нарачани во рок од четири недели, рече портпаролката на германското МВР. Официјалните печатачи беа во процес на набавка на нова механизација – додаде таа.

Во меѓувреме, градските власти можат да издаваат привремени пасоши кои важат за повеќето земји, а потоа да се вратат откако ќе се добие редовниот пасош.