Кандидатот за градоначалник на Општина Центар од редовите на СДСМ, кој е и актуелен градоначалник на општината, Горан Герасимовски, во рамки на нова програма за работа во следниот мандат најави поставување на три слободни и бесплатни вифи зони на територијата на општината.

Тој информираше дека е предвидено новите вифи-зони да се постават во Дебар Маало, Сквер Јадран и Капиштец, во рамки на европскиот проект „EU4Digital“.

„Со поставувањето на овие три слободни вифи-зони им овозможуваме на нашите жители, студенти, млади и туристи подобра поврзаност и полесен пристап до информации. Ова е само дел од нашата визија за модерен, дигитален Центар, во кој технологијата им помага на луѓето и ја подобрува секојдневната комуникација“, вели Герасимовски.