Генералното собрание на Обединетите нации вечерва со големо мнозинство го осуди економското ембарго на САД против Куба.

Од 193 членови на Генералното собрание, 187 го осудија ембаргото, САД и Израел гласаа против, додека еден член беше воздржан, пренесе Асошиејтед прес.

Кубанскиот министер за надворешни работи Бруно Родригез ја осуди „политиката на максимален притисок“ на американската влада, со цел, како што рече, да ја лиши Куба од увезено гориво.

Куба се бори со една од најлошите економски и енергетски кризи во својата историја, а покрај брановите прекини на струја, граѓаните се фрустрирани и од недостигот на храна и инфлацијата.

САД и ставија ембарго на Куба во 1960 година по револуцијата предводена од Фидел Кастро и национализацијата на имотот што им припаѓа на американските граѓани и корпорации.

А санкциите беа зајакнати две години подоцна.

Во јули 2016 година, тогашниот кубански претседател Раул Кастро и тогашниот американски претседател Барак Обама официјално ги обновија односите меѓу двете земји, а Вашингтон првпат се воздржа таа година кога гласаше за резолуцијата со која се бара укинување на ембаргото.

Наследникот на Обама, Доналд Трамп, остро го критикуваше досието на Куба за човекови права, а САД повторно гласаа против резолуцијата во 2017 година.