„Газета“: Иванишевиќ можеби ќе биде новиот тренер на Синер
Познатото спортско гласило од Италија објави дека Хрватот е еден од кандидатите да биде тренер на во моментов најдобриот тенисер на светот. Синер ќе остане без тренер на крајот на сезонава, откако Кејхил ќе го напушти
Италијанскиот спортски медиум „Газета“ објави дека Горан Иванишевиќ е еден од кандидатите за нов тренер на најдобриот светски тенисер Јаник Синер!
Препорачано
Италијанецот по оваа сезона ќе остане без тренер затоа што Австралиецот Дарен Кејхил, со кого Синер соработува од јули 2022 година и кој му помогна да напредува, заминува на крајот од сезоната.
– Горан Иванишевиќ е слободен по раскинувањето на соработката со Елена Рибакина. Тој би можел да му помогне на Синер, особено со подобрување на неговиот сервис, како што правеше со години со Новак Ѓоковиќ. Иванишевиќ заврши одлична работа со Србинот, правејќи го сервисот да му служи како моќно оружје – пишува „Газета“.
Синер и Иванишевиќ се застапувани од истата агенција, „Старуинг спорт“.
Друг кандидат за тренер на Синер е Американецот Андре Агаси. Пречка е што поранешниот светски рекет број еден, олимписки шампион и победник на осум грен-слема, не сака премногу да патува, што ќе мора, ако се зафати за таа работа.
Обидот на Агаси како тренер на Ѓоковиќ во 2017 година не помина многу добро.
Синер издоминира против Зверев и ја одбрани титулата на Австралија Опен
