Првиот милијардер кој се најде на удар беше Роман Абрамович на кого владата на Обединетото Кралство му го замрзна имотот поради што милијардерот беше принуден да го стави на продажба актуелниот европски шампион Челси, а сега слична судбина го снајде Леонид Федун кој мора да го продава Спартак Москва.

Федун ја критикуваше одлуката на рускиот претседател Владимир Путин да изврши агресија врз Украина поради што остана без поголем дел од своето богатство, а сега мора да го продава клубот.

Руските медиуми пренесуваат дека Федун јавно му се спротивстави на Путин кога побара да запре војната во Украина, а според новинарите тоа е причина за финансиската пропаст на тајкунот кој загуби 99 отсто од своето богатство.

Леонид Федун е сопственик на нафтената компанија „Лукоил“ чие богатство се проценуваше на 8.5 милијарди долари, но ќе мора да го продаде Спартак Москва. Потврда дека Федун го стави клубот на продажба дојде од Владимир Афанасиев кој е висок функционер во фудбалската ферерација на Русија, но не сакаше да ги открие причините.

Спартак Москва моментно се наоѓа на деветтото место во руската Премиер лига со 27 бода, дури 21 помалку од лидерит Зенит. Спартак Москва е најуспешен руски тим со 10 шампионските титули.