Фудбалерот на Барселона, Гави е дел од шпанската репрезентација која по првото полувреме од полуфиналето во Лигата на нации води со 2:0 против Италија и со тоа стана најмладиот дебитант во историјата на „црвената фурија“.

Селекторот Луис Енрике го стави Гави во првиот тим, а младиот фудбалер му одговори со одлична игра, ја контролираше средината на теренот и имаше неколку добри потези со кои ги воодушеви шпанските фанови.

Со 17 години и 62 дена, Гави стана најмладиот дебитант во историјата на шпанската репрезентација и со тоа го собори рекордот на Анхел Зубиета кој во 1936 година дебитираше со 17 години и 284 дена.