Јованка Јанкоска Бобе, која стои зад блогот bobesbakery.mk, фејсбук и инстаграм-профилот, е вистински кулинарски креативец – нејзините рецепти се милина и за очите и за непцето.

Бобе денеска споделува рецепт за вистински гурмански деликатес – печени ќофтиња од тиквички.

– Овие печени ќофтиња се сочни и полни со пролетни вкусови, а брзи и лесни за подготовка – вели Бобе.

Потребни состојки:

• 2 тиквички
• 2 јајца
• 3 големи лажици брашно
• 3 чешњина лук
• пола китка магдонос сечкан
• лажичка зачинал
• сол по желба
• бибер по желба

Подготовка:

Тиквичките излупени се рендаат, се посолуваат и се ставаат во цедалка да се исцедат. Јајцата се матат, потоа во нив се додаваат ренданите исцедени тиквички, брашното, лукчето пасирано/рендано и магдоносот.

Се зачинува по вкус и се меша сè заедно. Во тепсија на мрсна хартија се става по една голема лажица од смесата, со растојание меѓу нив, па се ставаат да се печат 15 – 20 минути, во загреана рерна на 220 Ц.

Јас ги послужив со сос. Во длабок сад се мешаат 4 лажици кисела павлака, 2 лажици мајонез, исечкани на ситни коцки 3 кисели краставички или едно цвекло конзервирано.

На здравје!