Џан Пјеро Гасперини најверојатно ќе го напушти италијанскиот фудбалски клуб Аталанта на крајот од сезоната.

Италијанските медиуми пренесуваат дека Гасперини верува дека е време за крај на една ера во Бергамо, која и самиот ја навести во текот на викендот, а главен кандидат за негова замена е Маурицио Сари.

Сари е невработен откако го напушти Лацио, а во меѓувреме ги одби понудите од Саудиска Арабија, бидејќи сака да работи во „топ пет европските лиги“.

Покрај Сари, како опции за Аталанта се споменуваат Игор Тудор и Рафаеле Паладино.

Што се однесува до Гасперини, тој има договор до лето, рече дека нема да го продолжи, а наводно има понуда на маса – од Рома.

Гасперини ја презеде Аталанта во летото 2016 година и дефинитивно е клупска легенда. Ја освои Лигата на Европа, редовно играше во Лигата на шампионите, а оваа сезона ќе се бори за врвот во Серија А.