Отворено е 37. издание на Саемот на книга под слоганот „Храна за душа“, кој од денеска до 14 мај ќе се одржи во арената „Борис Трајковски“ во Скопје. На саемот ќе има над 65 издавачи, од кои најголем дел од Македонија и 110 промоции на книги.

Саемот ќе биде отворен секој ден до 14 мај од 10 до 20 часот, освен на последниот ден, 14 мај, кога ќе биде отворен од 10 до 18 часот.

За полесен пристап на посетителите на саемот, ЈСП ги вклучи двете автобуски линии „100“ и „200“ во редовниот линиски превоз. Првата ќе поаѓа од Ново Лисиче, а другата од Дексион.

Цените на влезниците се исти како и минатата година: редовна влезница – 100 денари, влезница за организирани посети на ученици – 50 денари/по ученик, влезница за три посети на саемот – 250 денари. Влезот е бесплатен за деца до 12 години кои се во присуство на родител.

Со секоја купена влезница Саемот на книга ќе донира 15 денари на СОС Детско село.