Во недела, на 27 март, најголемите холивудски ѕвезди пристигнаа во театарот Долби во Лос Анџелес за 94-тото доделување на Оскарите за 2022 година.

ГАЛЕРИЈА | Oскари: Триумф на Вил Смит, Џесика Честејн и „Кода“, еве ги останатите победници

Церемонијата ја водеа Реџина Хол, Ванда Сајкс и Ејми Шумер, а гледачите со пренос во живо имаа прилика да го проследат најдоброто од филмската индистрија од изминатата година.

Титулата за најдобар филм ја доби „Кода“, за најдобра актерка беше прогласена Џесика Честејн, а најдобар актер Вил Смит.

ФОТО+ВИДЕО | Скандал на Оскарите: Вил Смит го удри в лице и го опцу комичарот на сцена!

Овогодинешната церемонија ќе се памети холивудската шлаканица за која зборува целиот свет, но и гламурозните изданија на црвениот тепих. Ѕвездите прошетаа по црвениот тепих носејќи дизајнерски фустани, најелегантни костуми, накит по нарачка и слично.

ФОТО | Холивудската шлаканица ги шокираше сите: Погледнете како реагираа ѕвездите на „шамарот“ на Оскарите!

Меѓу најдобро обучените оваа година несоменено се Зои Кравиц, Лили Џејмс, Џесика Честејн и Мила Кунис – сите носеа фустани во различни нијанси на розова боја.

Зои Кравиц никогаш не греши кога станува збор за избор на тоалети. Актерката изгледаше нежно и елегантно во фустан на Сен Лоран со минимална машна во горниот дел. Носеше специфичен накит и фризура инспирирана од Одри Хепберн.

Актерката Џесика Честејн, за која ова беше триумфална вечер, се одлучила за гламурозна, светкава тоалета со потпис „Гучи“.

Британската ѕвезда Лили Џејмс се појави во секси фустан од тантела на „Версаче“ со минимална шминка и едноставна фризура. Таа уште еднаш го покажа рецептот за совршена доза на софистицираност и заводливост.

Уште еден розов фустан на Оскарите носеше и Мила Кунис која изгледаше феноменално во сатенската креација на Зухаир Мурад, со асиметрични детали.

Легендарната Џејми Ли Кертис носеше лента околу прстенот на прстот, изразувајќи поддршка за Украинците.

Никол Кидман се појави на доделувањето на Оскарите како вистинска ѕвезда во елегантна свилена тоалета со длабоко деколте на „Армани“ специјално дизајнирана за неа. Актерката носеше впечатлив ѓердан, обетки со жолт дијамант и дијамантска нараквица, завршувајќи го изгледот со впечатлив црвен кармин.

Вил Смит, кој ја доби наградата за најдобар актер за улогата на Ричард Вилијамс во филмот „Кралот Ричард“, пристигна на црвениот тепих во елегантен костум со потпис на „Долче и Габана“, а неговата сакана Џејд Пинкет Смит носеше оогромна смарагдно зелена тоалета.

Славната тенисерка Серена Вилијамс, ко-извршен продуцент на филмот „Кралот Ричард“ се појави во лелеав розов фустан на „Гучи“ со црн вез во вид на цвеќиња, црни тантелни ракавици и црни чевли со високи потпетици.

Ко-извршната продуцентка на филмот „Кралот Ричард“, тенисерката Венус Вилијамс за престижната церемонија се одлучила за бела тоалета на Ели Сааб со сребрени детали и впечатливо деколте.

Тимоте Шаламе ја зајакна својата репутација како еден од најхрабрите, појавувајќи се на црвениот тепих со извезена чипкана јакна и панталони со висок струк од линијата женска облека пролет-лето 2022 година на Луј Витон.

Актерката од „Кода“, Емилија Џонс носеше златно сребрена тоалета со исечок кај поливината со потпис на „Долче и Габана“.

Актерот од „No Time To Die“, Рами Малек се одлучил за шик и едноставен црн смокинг.

Британската актерка Оливија Колман носеше сребрена лелеава тоалета со потпис на „Диор“.

Кирстен Данст која беше номинирана за најдобра споредна женска улога за филмот „The Power of the Dog“ на Оскарите носеше црвена тоалета на „Шанел“.

Коди Смит-Мекфи се одлучил за смокинг во бебешко сина боја.