ГАЛЕРИЈА: Институциите на ЕУ осветлени во боите на знамето на Украина
![](https://www.slobodenpecat.mk/wp-content/uploads/2024/02/ЕУсино-3-EPA-EFEOLIVIER-HOSLET.jpg)
ЕУ ја потврдува непоколебливата поддршка за Украина со се што е потребно, со цел таа да победи во оваа војна и да се врати мирот, порача Европската служба за надворешни работи во објава на Икс.
По повод втората годишнина од почетокот на руската агресија врз Украина, повеќе згради во Брисел, вклучително и институциите на ЕУ, минатата ноќ беа осветлени во боите на украинското знаме.
ЕУ ја потврдува непоколебливата поддршка за Украина со се што е потребно, со цел таа да победи во оваа војна и да се врати мирот, порача Европската служба за надворешни работи во објава на Икс.
![](https://www.slobodenpecat.mk/wp-content/uploads/2024/02/ЕУ-во-сино1.webp)
Фото:Икс
Високиот претставник на ЕУ за надворешна политика и безбедност Жосеп Борел, пак, порача дека ЕУ е на страната на украинскиот народ од „трагичното утро што ја промени историјата на Европа“, но нема повторно да ја промени картата на Украина по пат на сила.
![](https://www.slobodenpecat.mk/wp-content/uploads/2024/02/ЕУ-во-сино2.webp)
Руските сили ја нападнаа Украина на 24 февруари 2022 година, започнувајќи ја најголемата воена офанзива во Европа по Втората светска војна, што резултираше со најмалку 10.000 цивилни и стотици илјади воени жртви, 3,6 милиони внатрешно раселени лица и 6,3 милиони украински бегалци во други земји.
![](https://www.slobodenpecat.mk/wp-content/uploads/2024/02/ЕУ-во-сино3.webp)