Со овогодишниот слоган „Еден е Манаки” започна 45 издание на фестивалот на филмска камера „Браќа Манаки“ . Традиционално, црвениот тепих беше поставен пред Центарот за култура во Битола, а свеченото отворање започна со проекција на Канскиот хит-филм „Партенопе“, во режија на Паоло Сорентино.

Годинашниот добитник на наградата Златна камера 300 за животно дело ја доби францускиот кинематографер Бруно Делбонел, кој беше присутен и ја прими наградата. Специјалната награда „Златна камера 300“ за особен придонес во светската филмска уметност ја доби полската кинематограферка Јоланта Дилевска.

На свеченото отворање беше врачена и наградата „Голема ѕвезда на македонскиот филм“, доделена од Друштвото на филмски работници на Македонија, која ја доби Димитар Грбевски, македонски монтажер.

Битола беше домаќин на првите гости, а градот блескаше со духот на фестивалот. Од утре, на Широк сокак, ќе бидат откриени ѕвезди на досегашните добитници на Златна камера 300, вклучувајќи ги и браќата Манаки, во чие име е создаден фестивалот.
Во текот на седумте фестивалски дена, публиката ќе има можност да ужива во 65 исклучителни филмски остварувања, а присуството на 300 до 450 гости од бројни национални и меѓународни организации ја потврди важноста на овој настан.
Фестивалот „Браќа Манаки“ ја зацврстува својата позиција како центар за промоција на талентирани кинематографери, со акцент на зголемената застапеност на жените во улогите на кинематографери и режисери.

Атмосферата проследете ја во продолжение преку фотографиите на нашиот фоторепортер Слободан Ѓуриќ.