Во моментите кога светот го тресе скандалот околу новиот филм „Снежана“ на Дизни, во која Гал Гадот ја глуми Злобната кралица, израелската актерка доби уште пет минути слава – доби својата ѕвезда на Булеварот на славните во Холивуд.

Во еден толку важен момент за неа, покрај неа беше нејзиниот сопруг, бизнисменот Јарон Варсан, со кој е во брак од 2008 година, како и нивните четири преслатки ќеркички – Алма, Маја, Даниела и најмладата Ори.

Во својот емотивен говор глумицата му се заблагодари на семејството што и дозволило да ги следи своите соништа и да постигне континуиран успех во Холивуд.

„Секогаш кога мојот успех растеше, јас останував бремена, требаше да се приземјам“, се пошегува Гал и додаде: „Тоа им го кажувам на моите агенти. Или снимам филмови или правам бебиња – нема веќе бебиња, но Јарон секогаш ме потсетуваше да сонувам и да бидам слободна да правам што сакам. Ќерки наши, Алма, Маја… Дан Дан и бебе Ори, сè што правам, правам за вас. Да се ​​биде ваша Има е мојата најголема, најголема привилегија и најзначајното нешто што сум го направила.“

Актерката потоа откри дека иако нивниот живот е „циркус“, нејзините деца ја инспирираат да биде „силна, љубезна и храбра исто како се и тие“, додавајќи дека се надева дека се горди на сето она што го постигнала.

„Сакам да знаете дека не се работи за слава или филмови или нешто од тоа. Се работи за следење на своите соништа и страсти и напорна работа и сакам да знаете дека ако го правите тоа, можете да постигнете сè, мои слатки девојчиња. Апсолутно сè, никогаш не заборавајте. Ве сакам.“

Иако Гал се потруди нејзиниот стајлинг да биде впечатлив и да биде ѕвезда на целиот настан, таа падна во втор план поради прекрасните ќеркички и нивните неодоливи модни комбинации.