„Дизни“, наводно, ангажирале дополнителни телохранители за актерката Гал Гадот, откако таа добила смртни закани поради нејзиниот произраелски став.

Актерката добила бран на омраза откако нејзината колешка Рејчел Зеглер јавно изразила поддршка за Палестина додека го промовирала филмскиот мјузикл Снежана, објави „Вараети“.

„Зеглер не ги сфати последиците од нејзините постапки, ниту што значи тоа за филмот, за Гал, за сите“, изјавил извор за весникот.

Во август 2024 година, Зеглер, кој има 23 години, им се заблагодари на обожавателите на Икс што помогнале првото промотивно видео за филмот Снежана да достигне 120 милиони прегледи за 24 часа. Таа ја заврши објавата со зборовите: „И секогаш запомнете, слободна Палестина“.

Нејзината објава достигна 8,9 милиони прегледи, и додека некои критичари ја осудија актерката за промовирање на филмот на „Дизни“ заедно со нејзините политички убедувања, други наводно ја критикувале Гадот. Во октомври 2023 година, израелската актерка изрази поддршка за својата татковина откако Хамас изврши напад на музичкиот фестивал Нова.

„Јас стојам со Израел, треба и вие“, напиша таа тогаш на Инстаграм.

Претходно овој месец, Гадот ја бранеше нејзината одлука да го поддржи Израел откако демонстрантите ја прекинаа нејзината церемонија на Булеварот на славните.

„Има предизвик за луѓето кои сакаат да зборуваат на социјалните мрежи бидејќи има толку многу омраза и толку многу ботови и толку многу лути луѓе кои бараат причина“, изјавила таа за „Вараети“.

„По 7 октомври 2023 година, не зборувам за политика – затоа што кому му е гајле славна личност да зборува за политика? Јас сум уметник. Сакам да ги забавувам луѓето. Сакам да внесам надеж и да бидам светилник на надеж секогаш кога ќе кажам нешто за светот. Но, на 7 октомври, кога луѓето беа однесени од нивните домови, од нивните кревети, мажи, жени, деца, стари лица, преживеани од Холокаустот, поминувајќи низ ужасите на она што се случи тој ден, не можев да молчам“, рекла таа.

Протести поради нејзината ѕвезда на Булеварот на славните Дополнително, актерката се соочи со дополнителни критики на нејзината церемонија на Булеварот на славните на 18 март. Пропалестинските демонстранти се појавија пред настанот со транспаренти на кои пишуваше „Хероите се борат како Палестинци“.

Гал Гадот доби ѕвезда на Булеварот на славните: На свечената церемонија интервенираше полицијата