В среда од 19.30 часот во Букурешт ќе се игра реванш натпреварот од второто квалификациско коло од Лигата на шампионите помеѓу ФЦСБ и Шкендија.

Македонскиот првак по првите 90 минути одиграни во Скопје има предност од 1:0 против романскиот шампион.

Тетовските „црвено-црни“ одржаа прес-конференција на која ги споделија своите очекувања во пресрет на утрешниот дуел.

Првиот голман на Шкендија, Гамбиецот Бабукар Гаје кажа дека ова ќе биде тежок натпревар:

– Доаѓаме тука бидејќи веруваме во себе, многу го почитуваме противникот кој има доста квалитет, но и ние исто. Ќе го дадеме најдоброто од нас и се надевам дека на крајот ние ќе се радуваме.

Мора да бидеме фокусирани, бидејќи многу брзо можеш да постигнеш или да примиш гол. Тешко е да влезете во натпреварот и веќе да мислиме дека сме во групна фаза, затоа што играш за да победиш, а не да играш за да не загубиш. Тоа е моето мислење. Наше е да играме како тим, се надеваме дека ќе оствариме добар резултат и дека ќе се пласираме понатаму.

Ова е голем меч за мене лично, за секој фудбалер во тимот, исто за клубот, во обидот да обезбеди групна фаза во едно од европските клупски натпреварувања. Наше е да го дадеме најдоброто од нас на теренот и да докажеме зошто сме тука – вели Гаје.

Хараламбус: ФЦСБ е подобар тим од Шкендија, но тоа треба да го покажеме на теренот