Г7 ги повика јеменските бунтовници да го ослободат екипажот и да го вратат запленетиот товарен брод Галакси

Министрите за надворешни работи на Групата седум најбогати либерални демократии (Г7) денеска ги повикаа бунтовниците Хути во Јемен „веднаш да престанат“ со закани за поморскиот сообраќај и да го ослободат екипажот на товарниот брод Галакси Лидер, кој го запленија во Црвеното Море пред десет дена.

-Ги повикуваме сите страни да не го загрозуваат или попречуваат законското остварување на правата и слободите на пловидба на сите бродови, се наведува во соопштението на министрите на Г7.

Групата ги повика јеменските бунтовници „веднаш да ги прекинат нападите врз цивилите и заканите за меѓународните бродски патеки и комерцијалните бродови и да го ослободат бродот, кој незаконски го запленија во меѓународните води на 19 ноември, и неговиот екипаж“.

Хутите, сојузници на Иран, го зазедоа трговскиот брод со 25 членови на екипажот како одмазда за израелската војна против Хамас во Газа.

Бродот Галакси Лидер е управуван од јапонска компанија, но припаѓа на британска компанија која и самата е во сопственост на израелски бизнисмен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ