Македонскиот шампион во футсал, Форца, оствари три максимални победи на турнирот во Куманово во рамките од прелиминарната рунда во Лигата на шампионите.

Играчите предводени од тренерот Газменд Хисеини во последниот трет натпревар со 5:0 триумфираа над ерменскиот првак Ереван.

Во листата на стрелците се запишаа Исмаили (3:21), Рамадан од пенал (16:43), Левски (38:42) и Рамадани (39:03), додека автогол си постигна Мурадјан (27:30).

Во претходните два меча нашиот претставник со 4:0 го совлада Енкамп од Андора и Мурата од Сан Марино (1:0) за прво место во групата А со девет бодови.

Форца во главната рунда на ЛШ ќе игра во групата 8 заедно со Хит Киев (Украина), Киев Футсал (Украина) и Врхника (Словенија). Натпреварите ќе играат во периодот од 28 октомври до 2 ноември 2025 и само првопласираниот ќе обезбеди пласман во осминафиналната фаза.

Како што објави УЕФА, не е познат домаќинот на турнирот во групата 8, клубовите од таа група ќе треба меѓусебно да одлучат кој ќе биде домаќин на мини-турнирот најдобра до четврток, 4 септември. Доколку клубовите не можат да се договорат, администрацијата на УЕФА ќе спроведе ждрепка за да го одреди домаќинот следниот ден.