Фустанот што го носела принцезата Дајана на свечената вечера во Белата куќа во 1985 година, го купи за 220.000 фунти здружението што се грижи за кралската палата.

Темносиниот фустан на дизајнерот Виктор Еделстеин на аукција го стави аукциската куќа „Taylor Auctions“ со проценета вредност од 250.000-350.000 илјади фунти, но бидејќи не бил достигнат тој износ, здружението се понудило да го откупи по аукцијата.

Вниманието на јавноста Дајана го привлече кога во тој фустан заигра на подиумот на Белата куќа со Џон Траволта. Сопственичката на аукциската куќа тврди дека принцезата Дајана пред патувањето во САД имала само една желба – да заигра со познатиот глумец.

Фустанот, кој на принцезата ѝ беше многу мил и го имаше облечено неколкупати, веќе е продаден на аукција во 2013 година за 240.000 фунти на анонимен купувач, кој сакал да ја изненади својата сопруга.