Висок функционер во Министерството за правда на Соединетите Американски Држави ја обвини поранешната прва дама Џил Бајден за можна кривична одговорност за „злоупотреба и занемарување на стари лица“.

Ова обвинение е поврзано со наводното прикривање на здравствената состојба на поранешниот претседател Џо Бајден, пишува „Дејли меил“.

Вишиот советник за граѓански права на Министерството за правда, Лео Терел, ги изнесе тврдењата на социјалните мрежи, велејќи дека Џил Бајден знаела за здравствените проблеми на поранешниот претседател, но сепак му дозволила да учествува на претседателските избори.