Фудбалерите на Башкими и Вардар ќе го затворат осмото коло од Првата македонска фудбалска лига со дуел што ќе се одигра во понеделник во Куманово.

Фудбалската федерација на Македонија, по препорака на Комисијата за натпреварување, овој натпревар го прогласи за меч со зголемен безбедносен ризик.

„Ве молам во врска со првенствениот натпревар да преземете мерки согласно вашите овластувања. Клубовите да ги преземат мерките согласно законот за спречување на насилството и недостојното однесување на спортските натпревари и правилникот за безбедност и сигурност на фудбалските натпревари на ФФМ“, се вели во писмото.

Натпреварот меѓу Башкими и Вардар ќе се одигра во понеделник со почеток од 15:00 часот.

Преземено од: Спорт.ком.мк