Фудбалската репрезентација на Македонија остана 62. место на најновата ранг-листа на ФИФА.
Последната репрезентативна акција на фудбалерите беше во март кога беше совладан четирикратниот светски шампион Германија, додека во април и овој месец не се играше репрезентативен фудбал, по што е логично и да нема промени на ФИФА ранг-листата.

Првиот противник на Македонија на ЕП, Австрија се наоѓа на 23 место, додека Украина е на една позиција подоле. Најдоброрангирана е Холандија која е на 16 место на ФИФА ранг-листата.

На листата на десет најдобри репрезентации исто така нема промени, на првото место е Белгија по што следуваат Франција, Бразил, Англија, Португалија, Шпанија, Италија, Аргентина, Уругвај и Данска.