Бехар Фета од редовите на Воска Спорт прави голем чекор напред и кариерата ќе ја продолжи во една од најдобрите словенечки екипи, тимот на Марибор.

За левото крило ова ќе биде прв интернационален предизвик во кариерата. Воска трансферот на Фета го потврди на социјалните мрежи и му се заблгодари за досегашниот придонес.

Со Марибор Фета потпиша договор на три години, а потоа се врати да се поздрави со остатокот од тимот.

Дресот на Воска, 20-годишниот фудбалер го носеше на 65 натпревари на кои постигна 50 голови. Марибор е голем клуб кој 16 пати бил шампион на Словенија, па токму затоа ова е голем предизвик во кариерата на младиот фудбалер.