Првиот тенисер во светот, Карлос Алкараз, се пласира во финалето на турнирот во Токио, откако во полуфиналето го совлада 12. играч на АТП-листата, Норвежанецот Каспер Руд, со 3:6, 6:3, 6:4.

Алкараз славеше по два часа и осум минути игра и ја запиша својата 66. победа во сезоната.

Руд го доби првиот сет со брејк во осмиот гем, но Алкараз возврати во вториот, кога уште во вториот гем му го одзеде сервисот на противникот и ја сочува предноста до крај.

Во решавачкиот трет сет, Шпанецот направи брејк во петтиот гем и со првата меч-топка ја завери победата и пласманот во финалето.

Таму ќе се сретне со Американецот Тејлор Фриц, кој во второто полуфинале го совлада сонародникот Џенсон Бруксби со 6:4, 6:3.